پشاور(نمائندہ جنگ )پشاور میں پاکستان کی سب سے بڑی پراپرٹی نمائش کا آغاز آج سے ڈینز ٹریڈ سینٹر میں واقع شیراز ارینا میں ہو رہا ہے ۔ تین روزہ سٹار پراپرٹی ایکسپو میں خیبر پختون خوا کے علاوہ پاکستان بھر کے ڈویلپرز اور بلڈرز کے رہائشی اور کمرشل منصوبوں کی پراپرٹیز خصوصی ڈسکاؤنٹ پر دستیاب ہوں گی ۔ سٹار مارکیٹنگ کے زیر اہتمام منعقد ہونے والی اس پراپرٹی ایکسپو میں آنے والے لوگوں کے لئے مفت پلاٹس روزانہ بذریعہ قرعہ اندازی دیئے جائیں گے ۔ 22 جنوری سے 24 جنوری تک جاری رہنے والی سٹار پراپرٹی ایکسپو میں پشاور کے علاوہ اسلام آباد ، مردان ، نوشہرہ ، ایبٹ آباد ،لاہور ، کراچی ، ملتان ، فیصل آباد اور دیگر شہروں کے معروف ڈویلپرز کے بہترین رہائشی اور کمرشل منصوبے پیش کئے جا رہے ہیں ۔ سٹار پراپرٹی ایکسپو میں فوڈ کورٹ اور پلے لینڈ بھی موجود ہے۔