محکمہ صحت پنجاب میں 32 ہزار بھرتیاں کیں، یاسمین راشد
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محکمہ صحت پنجاب میں 32 ہزار بھرتیاں کیں، یاسمین راشد


وزیر صحت پنجاب ڈاکٹر یاسمین راشد نے کہا ہے کہ حکومت سنبھالی تو اسپتال میں 50 فیصد عملہ کم تھا، ہم نے 32 ہزار بھرتیاں کیں۔

ایک بیان میں صوبائی وزیر صحت پنجاب نے کہا کہ ہم نے اقتدار میں آنے کے بعد 32 ہزار ڈاکٹر، نرسز اور پیرا میڈیکل اسٹاف بھرتی کیا۔

انہوں نے کہاکہ کوتاہی برتنے پر گزشتہ روز 2 اسپتالوں کے ایم ایس معطل کردیے ہیں اب کوئی کوتاہی برداشت نہیں کی جائے گی۔


ڈاکٹر یاسمین راشد نے کہا کہ 2 سالوں میں ہماری بھرتیوں کے بعد 80 فیصد عملہ پورا کردیا ہے جبکہ مزید 1700 نرسیں اور 9 ڈاکٹر بھرتی کرنے جارہے ہیں۔

اُن کا کہنا تھاکہ اب اسپتالوں میں کام نہ کرنے کا کوئی بہانہ برداشت نہیں کیا جائے گا، سرویلنس اور مانیٹرنگ شروع کردی ہے۔

انہوں نے کہا کہ نرسوں کا ڈپلومہ ڈگری میں تبدیل کردیا، زیرِ تربیت نرسوں کا وظیفہ بھی 21 ہزار سے بڑھ کر 31 ہزار ماہانہ کردیا۔

صحت سے مزید