سندھ: کورونا وائرس سے متاثرہ 21 مریض انتقال کرگئے

06 فروری ، 2021

سندھ میں گزشتہ 24 گھنٹوں کے دوران کورونا وائرس کے مزید 605 نئے کیسز سامنے آئے، جبکہ کورونا وائرس سے متاثرہ 21 مریض انتقال کر گئے۔

وزیراعلیٰ ہاؤس سے جاری بیان میں سید مراد علی شاہ نے کہا کہ چوبیس گھنٹوں کے دوران 12 ہزار 570 نمونوں کا ٹیسٹ کیا گیا جس میں سے 605 کیسز کا پتہ چلا جو موجودہ تشخیصی شرح کا 4.8 فیصد ہے۔

ان کا کہنا ہے تھا چوبیس گھنٹوں میں 21 مریضوں کے انتقال کے بعد سندھ میں کورونا سے انتقال کرنے والوں کی تعداد چار ہزار 87 ہو گئی ہے۔

وزیراعلیٰ سندھ نے کہا کہ اس وقت اسپتالوں میں زیر علاج کورونا وائرس سے متاثرہ 616 مریضوں کی حالت تشویشناک بتائی گئی جن میں سے 71 کو وینٹی لیٹرز پر منتقل کیا گیا ہے۔

بیان کے مطابق 605 نئے کیسز میں سے 341 کا تعلق کراچی سے ہے۔

تازہ ترین