پنجاب میں تبدیلی ایجنڈے کو بزدار لے کر چل رہے ہیں، فردوس عاشق اعوان

وزیر اعلیٰ پنجاب عثمان بزدار کی معاون خصوصی ڈاکٹر فردوس عاشق اعوان نے کہا ہے کہ پنجاب میں تبدیلی کے ا یجنڈے کو عثمان بزدار آگے لے کر چل رہے ہیں۔

جیو نیوز کے پروگرام جیو پاکستان میں گفتگو کرتے ہوئے وزیر اعلیٰ پنجاب کی معاون خصوصی ڈاکٹر فردوس عاشق اعوان نے کہا کہ ہر سیاسی محاذ پر عثمان بزدار کے کردار پر تمام ارکان پارلیمنٹ کا اعتماد ہے۔

سابق حکمرانوں نے معیشت کا جنازہ نکال کر ملک کو تباہ کیا، عثمان بزدار

وزیراعلیٰ پنجاب سردار عثمان بزدار نے کہا ہے کہ سابق حکمرانوں نے معیشت کا جنازہ نکال کر پاکستان کو تباہ کرنے میں کوئی کسر نہیں چھوڑی، ان لوگوں نے ذاتی مفادات کی خاطر اداروں کو تباہ کیا عوامی ترجیحات اور قومی مفادات کو فراموش کیا گیا۔

فردوس عاشق اعوان کاکہنا تھا کہ پنجاب میں تحریک انصاف سینیٹ انتخابات میں ہماری توقعات سے زیادہ ووٹ لے گی۔

انہوں نے کہا کہ پارٹی کے پارلیمانی بورڈ کے فیصلے کی روشنی میں بہتر امیدواروں کا چناؤ کیا جائے گا۔