پنجاب میں سولر پلانٹ علامہ اقبال کے نام سے منسوب کرینگے، اختر ملک

وزیر توانائی پنجاب ڈاکٹر اختر ملک کا کہنا ہے کہ پنجاب میں سولر پلانٹ شاعر مشرق علامہ اقبال کے نام سے منسوب کریں گے۔

وزیر توانائی پنجاب ڈاکٹر اختر ملک سے ہالینڈ کے 7 رکنی وفد نے ملاقات کی، جس میں ہالینڈ کے وفد نے پنجاب کے سولر سیکٹر میں سرمایہ کاری میں دلچسپی کا اظہار کیا۔

ڈاکٹر اختر ملک نے کہا کہ ہالینڈ کے وفد نے جنوبی پنجاب میں سو میگا واٹ سولر پلانٹ لگانے کا عندیہ دیا ہے۔