آپ آف لائن ہیں
اتوار27؍شعبان المعظم 1442ھ 11؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عطا تارڑ کا پولیس پر حملہ آور ہونے کا الزام، ہر زخم کا بدلہ لینے کا اعلان


اپوزیشن کی سب سے بڑی جماعت مسلم لیگ (ن) کے سینئر رہنما عطا تارڑ نے پولیس پر حملہ آور ہونے کا الزام عائد کردیا اور کہا کہ ایک ایک زخم کا بدلہ لیں گے۔

گوجرانوالہ کے علاقے وزیر آباد کے تھانہ سٹی کے باہر رہائی کے بعد میڈیا سے گفتگو میں عطا تارڑ نے کہا کہ ڈی ایس پی اور ایس ایچ او سٹی وزیرآباد نے ہم پر دھاوا بولا۔

انہوں نے کہا کہ اسلحہ لائسنس چیک کرنے کے بہانے ملازمین پر تشدد کیا گیا، میں چھڑوانےآیا تو مجھے بھی گاڑی میں ڈال دیا گیا۔


ن لیگی رہنما نے مزید کہا کہ پولیس نے میرے ڈرائیور اور ویڈیو بنانے والے راہ گیروں کو بھی تشدد کا نشانہ بنایا ہے۔

اُن کا کہنا تھا کہ سی پی او اور آر پی او کو واضح پیغام دینا چاہتا ہوں، ہم ایک ایک زخم کا بدلہ لیں گے۔

عطا تارڑ نے یہ بھی کہا کہ اگر الیکشن حکمران جماعت کے بجائے پولیس نے لڑنا ہےتو ہم اس پولیس سے بھی نمٹنا جانتے ہیں۔

قومی خبریں سے مزید