• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انگریزی بولتے ہوئے گڑبڑ ہوجاتی ہے، میرا کا اعتراف

کراچی (مانیٹرنگ ڈیسک)پا کستان فلم انڈسٹری کی مقبول اور سوشل میڈیا پر ہر وقت زیر بحث رہنے والی اداکارہ میراجی نے بالآخر اعتراف کرہی لیا کہ ان سے انگریزی بولتے ہوئے گڑبڑ ہوجاتی ہے۔ تفصیلات کے مطابق اداکارہ میرا نے گزشتہ روز اپنے انسٹاگرام اکاؤنٹ ایک ویڈیو شیئر کی جس میں وہ کوکنگ کرتی ہوئی نظرآرہی ہیں اور دیسی مرغی بنارہی ہیں۔میرا نے بتایا کہ انہیں کوکنگ کرنا بہت اچھا لگتا ہے اوراکثر وہ کھانا بناتے ہوئے ڈانس بھی کرتی ہیں۔اداکارہ میرا کے گھرگزشتہ روز مہمان مدعو تھے اور ان ہی کے لیے وہ کوکنگ کررہی تھیں۔میرا نے اپنے مہمان کا تعارف کرواتے ہوئے کہا کہ یہ میرے ماموں کے بیٹے بابرنقوی ہیں اورآج ہمارے گھر پر کھانے پر مدعو ہیں اور ان ہی کے لیے میں کھانا بنارہی ہوں۔اس کے بعد میرا نے اپنے والد کا نام بتاتے ہوئے کہا میں سرور نقوی کی بیٹی ہوں۔ ان کے برابرمیں کھڑے بابر نقوی نے میرا کی بات میں اضافہ کرتے ہوئے کہا اس کے علاوہ یہ جنرل نقوی کی بھانجی ہیں، میرا نے جب یہی الفاظ انگلش میں دوہرائے تو وہ غلطی سے جنرل نقوی کو جنرل نقلی کہہ گئیں،جس پر وہاں موجود تمام لوگ ہنسنے لگے۔میرا نے بھی ہنستے ہوئے کہا گڑبڑ ہوگئی نا انگلش بولتے ہوئے سب گڑبڑہوجاتی ہے۔واضح رہے کہ میرا اداکاری کے ساتھ ساتھ اپنی گلابی انگریزی کی وجہ سے مشہور ہیں اور اکثر غلط انگریزی بولنے کی وجہ سے سوشل میڈیا پر مذاق کا نشانہ بن جاتی ہیں۔

دل لگی سے مزید