سلمان خان پھر شارخ کے ساتھ بڑے پردے پر نظر آئیں گے

بالی ووڈ کے بادشاہ شاہ رخ خان اس وقت اپنی فلم پٹھان کی شوٹنگ میں مصروف ہیں جس سے متعلق یہ اطلاعات بھی سامنے آرہی ہیں کہ اس فلم کے کیمیو میں سلمان خان بھی نظر آئیں گے۔

شاہ رخ خان اور سلمان خان ’کرن ارجن‘، ’کچھ کچھ ہوتا ہے‘، ’ہم تمھارے ہیں صنم‘ جیسی بلاک بسٹر فملوں میں ایک ساتھ کام کر چکے ہیں۔

تاہم اب رپورٹس ہیں کہ بالی ووڈ کے سلطان اب کنگ خان کی فلم ’پٹھان‘ میں بھی ایک ساتھ دکھائی دیں گے۔

شاہ رخ خان کی فلم ’پٹھان‘ کی عکس بندی کی ویڈیوز سامنے آگئیں

فلم میں تیز رفتار کار اور اس کی دوسری کاروں کو ٹکر کی شوٹنگ کا فضائی منظر بھی سوشل میڈیا پر شیئر ہوا

فلم سے متعلق یہ اطلاعات ہیں سلمان خان فلم میں شاہ رخ خان کے ساتھی کے طور پر کلائمیکس سین میں نظر آئیں گے۔

اسی طرح فلم میں سلمان خان دیگر سینز میں بھی نمودار ہوں گے۔

واضح رہے کہ مذکورہ فلم کا کلائمیکس سین دنیا کی سب سے بلند عمارت برج خلیفہ کے اوپر اور اندر فلمایا جائے گا۔

شاہ رخ خان ٹام کروز کے نقش قدم پر

اطلاعات ہیں کہ اب شاہ رخ خان کی اس نئی فلم کے کچھ ایکشن سین متحدہ عرب امارات میں واقع دنیا کی بلند ترین عمارت برج خلیفہ کے اندر شوٹ کئے جائیں گے۔جس کے لئے بین الاقوامی اسٹنٹ ٹیم کی خدمات بھی لی گئی ہیں۔

اس فلم کی کاسٹ میں شاہ رخ خان کے ساتھ دیپیکا پڈوکون اور جان ابراہم جیسے نامور اسٹارز بھی موجود ہیں۔

فلم کی ریلیز سے متعلق کوئی حتمی تاریخ سامنے نہیں آسکی ہے، تاہم غیر ملکی میڈیا میں اس سے متعلق بتایا جارہا ہے کہ پروڈکشن ہاؤس کی جانب سے اس بارے میں اعلان جلد متوقع ہے۔