حمزہ شہباز کی رہائی کیلئے 1 کروڑ کے 2 مچلکے جمع

پنجاب اسمبلی میں اپوزیشن لیڈر اور مسلم لیگ نون کے رہنما حمزہ شہباز شریف کی رہائی کی روبکار کے سلسلے میں ایک ایک کروڑ روپے کے 2 ضمانتی مچلکے عدالت میں جمع کرا دیئے گئے۔

حمزہ کی ضمانت، مٹھائی تقسیم، شہباز شریف کو مبارکباد

مسلم لیگ نون کے رہنما اور پنجاب اسمبلی میں قائدِ حزبِ اختلاف حمزہ شہباز شریف کی ضمانت منظور ہونے پر لاہور کی احتساب عدالت کے باہر نون لیگ کے کارکنوں نے مٹھائی تقسیم کی۔

حمزہ شہباز کی ضمانت پر رہائی کا ہائی کورٹ کا تحریری حکم نامہ لے کر عدالتی اہلکار لاہور کی احتساب عدالت پہنچ گیا۔

لاہور کی احتساب عدالت میں حمزہ شہباز کے ضمانتی مچلکوں کی جانچ پڑتال کی گئی۔

واضح رہے کہ بدھ 24 فروری کو لاہور ہائی کورٹ نے منی لانڈرنگ ریفرنس میں پاکستان مسلم لیگ نون کے رہنما حمزہ شہباز کی ضمانت پر رہائی کی درخواست منظور کر لی تھی۔