آپ آف لائن ہیں
منگل7؍رمضان المبارک 1442ھ 20؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلال عباس خان اب فلموں میں بھی نظر آئیں گے

معروف اداکار بلال عباس خان نے ہدایتکار نیبل قریشی کی نئی فلم ’کھیل کھیل میں‘ میں اداکاری کا اعلان کیا ہے، اس نئے پروجیکٹ میں بلال عباس خان کے مد مقابل سجل علی ہیروئن ہوں گی۔

فلم والا پکچرز کے بینر تلے بننے والی یہ فلم فِضہ علی اور میرزا کی مشترکہ پیش کش ہے، وہ اس سے قبل نامعلوم افراد 1،2، ایکٹر اِن لاء، اور لوڈ ویڈنگ جیسی بلاک بسٹرز فلمیں دے چکے ہیں۔ 

اپنے سوشل میڈیا اکاؤنٹ پر فلم سے متعلق اعلان میں بلال عباس خان کا کہنا تھا کہ ملک میں پہلی بار بہترین پروڈیوسر، ہدایتکار کی جوڑی کے ساتھ کام کرنا اچھا تجربہ تھا۔

فلم کی ریلیز کا اب تک اعلان نہیں کیا گیا ہے تاہم مداحوں کی جانب سے مبارکباد دینے کا سلسلہ جاری ہے اور شائقین ان کی اس نئی فلم کا بے صبری سے انتظار کر رہے ہیں۔

بلال عباس خان اس سے قبل آن لائن اسٹریمنگ پلیٹ فارم Zee5 پر ایک جھوٹی لو اسٹوری میں مدیحہ امام کے ساتھ دیکھے گئے ہیں۔

انٹرٹینمنٹ سے مزید