آپ آف لائن ہیں
منگل29؍شعبان المعظم 1442ھ 13؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

میانمار: مظاہرین پر پولیس کی فائرنگ، ہلاکتوں کی تعداد 10 ہوگئی

میانمار میں فوجی بغاوت کے خلاف احتجاج کرنے والے مظاہرین پر پولیس نے فائرنگ کی، ربر کی گولیوں کے استعمال سے 10 سے زائد افراد ہلاک ہوگئے، پولیس کی آنسو گیس شیلنگ سے متعدد مظاہرین زخمی ہوئے، کل سے جاری کریک ڈاؤن میں سیکڑوں مظاہرین گرفتار کر لیے گئے۔

میانمار میں جمہوریت بحالی کا مطالبہ کرنے والے لوگوں نے مختلف شہروں میں آج بھی احتجاج کیا، ینگون سمیت کئی شہروں میں پولیس نے مظاہرین کو منتشر کرنے کے لیے فائرنگ کی۔


اس موقع پر ربر کی گولیوں اور آنسوگیس کا استعمال کیا گیا، پولیس کی فائرنگ سے متعدد مظاہرین ہلاک اور بیشتر زخمی ہوگئے۔

پولیس نے مظاہرین کے خلاف کریک ڈاؤن دوسرے روز بھی جاری رکھا، دو روز کے دوران سیکڑوں مظاہرین کو گرفتار کیا جاچکا ہے، میانمار میں یکم فروری کو فوج نے اقتدار پر قبضہ کر کے ملک میں ایک سال کے لیے ایمرجنسی نافذ کر دی تھی۔

بین الاقوامی خبریں سے مزید