آپ آف لائن ہیں
ہفتہ26؍شعبان المعظم 1442ھ 10؍اپریل 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ہالی ووڈ اداکار کا انٹرنیٹ صارف کو کام سے کام رکھنے کا مشورہ

امریکی اداکار، مصنف، پروڈیوسر اور کامیڈین الیگزینڈر رائے بالڈون اور ان کی اہلیہ ہیلاریا بالڈون کو انسٹاگرام پر چھٹے بچے کی پیدائش سے متعلق پوسٹ ڈالنے پر تنقید کا سامنا ہے۔

گزشتہ دنوں امریکی مصنفہ اور یوگا انسٹرکٹر ہیلاریا بالڈون نے انسٹاگرام پر اپنی فیملی کی تصویر شیئر کی اور اس کے کیپشن میں ’7‘ کا ہندسہ لکھا جس کا مطلب ممکنہ طور پر ان کے چھ بچے اور ساتویں وہ خود تھیں۔

ہیلاریا نے کسی وجہ سے اپنی اس پوسٹ پر کمنٹس کو بند کردیا تھا تاہم ان کے شوہر الیگزینڈر بالڈون نے اس پوسٹ کو اپنے اکاؤنٹ سے شیئر کیا اور کمنٹس کھلے رکھے جس کے بعد لوگوں نے تنقید کا سلسلہ شروع کردیا۔


ایک صارف نے تصویر پر کمنٹ کرتے ہوئے سوال کیا کہ ’بچے کی ماں کون ہے؟ وہ حاملہ نہیں تھیں، انہوں نے تو چھ ماہ پہلے ہی بچے کو جنم دیا ہے‘۔

اس پر ہیلاریا کے شوہر آگ بگولہ ہوگئے اور صارف کو اپنے کام سے کام رکھنے اور منہ بند رکھنے کا مشورہ دے دیا۔

مداحوں کی حیرت کی وجہ یہ تھی کہ ہیلاریا نے 6 ماہ قبل ہی ایک بچے کو جنم دیا ہے اور یہ کیسے ممکن ہے کہ چھ ماہ میں انہوں نے دوبارہ بچے کو جنم دے دیا۔

مذکورہ جوڑے کی جانب سے نومولود کے حوالے سے تفصیلات ظاہر نہیں کی گئیں اور نہ ہی اس کا نام سامنے آیا ہے۔

واضح رہے کہ ہیلاریا اور الیگزینڈر بالڈون کی شادی 2012 میں ہوئی تھی اور ان کے 5 بچے ہیں جن میں 7 سالہ کارمین، 5 سالہ رافیل، 4 سالہ لیونارڈو، 2 سالہ رومیو اور 6 ماہ کا ایڈوارڈو شامل ہیں۔ 

انٹرٹینمنٹ سے مزید