عمران خان نے آج ایک اور تاریخ رقم کردی: ابرارالحق

 

چیئرمین ہلال احمر پاکستان، پاکستان تحریک انصاف (پی ٹی آئی) کے رہنما اور گلوکار ابرار الحق نے کہا ہے کہ عمران خان نے آج اعتماد کا ووٹ حاصل کر کے نئی تاریخ رقم کردی ہے۔

سینیٹ الیکشن میں جو ہوا اس پر شرمندگی ہوتی ہے، عمران خان

وزیراعظم عمران خان نے اعتماد کا ووٹ لینے کے بعد قومی اسمبلی میں خطاب میں پارٹی ایم این ایز اور اتحادیوں کو خراج تحسین پیش کیا اور کہا کہ سینیٹ الیکشن میں جو ہوا ہے اس پر شرمندگی ہوتی ہے۔

انہوں نے سوشل میڈیا پر عمران خان کے ہمراہ تصویر شیئر کرتے ہوئے لکھا کہ ’ آج عمران خان نے شفافیت کی تاریخ رقم کردی ہے۔‘

انہوں نے لکھا کہ ’تمام پاکستانیوں کو اعتماد کا ووٹ حاصل کرنے کی مبارکباد دیتا ہوں۔‘

ابرارالحق نے لکھا کہ بلاشبہ انصاف کی فراہمی، جمہوریت اور شفافیت کیلئے اٹھائے گئے عمران خان کے اقدامات کو تاریخ ہمیشہ یاد رکھے گی۔

پی ٹی آئی کارکنوں نے احسن اقبال کے سر پر جوتا دے مارا

پاکستان مسلم لیگ (ن) کے رہنما احسن اقبال کو پارلیمنٹ ہاؤس کے باہر میڈیا ٹاک کے دوران پی ٹی آئی کارکن نے سر پر جوتا دے مارا۔

واضح رہے کہ وزیرِ اعظم عمران خان پارلیمنٹ سے اعتماد کا ووٹ حاصل کرنے میں کامیاب ہوگئے۔