فرمان الہی
نماز کے اوقات
محکمہ اسپورٹس اینڈ یوتھ افیئرز کے تعاون سے آل سندھ انٹر کلب ہاکی ٹورنا منٹ کراچی نے لاڑکانہ کو ہرا کر جیت لیا، سیکریٹری اسپورٹس و یوتھ افیئرز سندھ سید امتیاز علی شاہ نے انعامات تقسیم کئے اس موقع پر صوبائی وزیر شہلا رضا اور کے ایچ اے کے سکریٹی سید حیدر حسین بھی موجود تھے۔
آل سندھ پروفیسر اعجاز احمد فاروقی انوی ٹیشن کرکٹ ٹورنامنٹ کا افتتاحی میچ منٹگمری جیمخانہ نے جیت لیا ، مہمان خصوصی لئیق احمد ایڈمنسٹریٹر بلدیہ عظمٰی کراچی تھے جنہوں نے ٹورنامنٹ کا افتتاح کیا۔
انہوں نے کہا کہ پروفیسر اعجاز فاروقی کی اس شہر کے لئے بڑی خدمات ہیں ، پانچ گراونڈز بلدیہ عظمٰی کراچی نے کے سی سی اے کو دئیے تھے ، وہ ان پانچ گراونڈز پر اپنا قبضہ برقراررکھیں، ٹورنامنٹ سیکریٹری جمیل احمد نے کہا کہ 168 ٹیمیں حصہ لے رہی ہیں ، آل پاکستان فاروق حمد جمالی میموریل شوٹنگ والی بال ٹورنامنٹ کے فائنل میں ٹھیبا کلب ٹنڈو الہیار نے پنجاب کے کلب عباس منڈ چکوال کو شکست دی ۔
کراچی گرلز نیٹ بال کپ کےفائنل میں آئی او بی ایم یونیورسٹی نے ایلیٹ کلب کو ہراکر جیت لیا مہمان خصوصی سٹی اسکول پی اے ایف کی پرنسپل سیما عرفان نے انعامات تقسیم کئے۔ اس موقع پر پاکستان نیٹ بال فیڈریشن کے صدر مدثر آرائیں بھی موجود تھے۔
پاکستان بلائنڈکرکٹ کونسل نےڈھاکا میں 2سے8 اپریل تک کھیلی جانے والی بلائنڈ ٹرائی نیشن سیریز کے لئے 15 رکنی قومی ٹیم کا اعلان کردیا ،نثار علی قومی ٹیم کی قیادت کریں گے سہ فریقی سیریز میں پاکستان ، بھارت اور بنگلہ دیش کی ٹیمیں حصہ لیں گی۔
مسٹر جونیئر اور مسٹرسینئر اور مین فیزیک ڈسٹرکٹ سینٹرل باڈی بلڈنگ مقابلےکے مہمان خصوصی ایس ایس پی ٹریفک (سینٹرل) اعجازالدین تھے۔ جبکہ سابق چیئرمین ڈی ایم سی (سینٹرل) ریحان ہاشمی نے افتتاح کیا، اس موقع پر سندھ اولمپک ایسوسی ایشن کے وائس پریذیڈنٹ انجیئنر سید محفوظ الحق مہمان خصوصی تھے، اس مقابلے میں فزیک کا ٹائٹل (برادرجم) کے ظفر احمد، جونیئر مسٹر کا ٹائٹل(فٹ مونسٹر)کے محمد جواد جبکہ ڈسٹرکٹ سینٹرل کا مسٹر سینئرکا ٹائٹل ورلڈجیم کے ارسلان اسلم نے اپنے نام کیا۔
