میگھن مارکل کے انٹرویو پر والد کا ردّ عمل

برطانوی شاہی خاندان سے شاہی فرد کی حیثیت سے دستبردار ہونے والی امریکی اداکارہ میگھن مارکل کے والد تھامس مارکل کا کہنا ہے کہ مجھے نہیں لگتا کہ برطانوی شاہی خاندان نسل پرست ہے۔

میگھن مارکل کے والد تھامس مارکل نے برطانوی شہزادے ہیری اور بیٹی میگھن مارکل کا امریکی ٹی وی کو دیئے گئے انٹرویو پر رد عمل دیتے ہوئے کہا ہے کہ شاہی خاندان کے لیے نہایت احترام ہے، مجھے نہیں لگتا کہ برطانوی شاہی خاندان نسل پرست ہے۔

برطانوی شاہی خاندان کی بہو میگھن مرکل کا تہلکہ خیز انٹرویو

میگھن مرکل نے اوپرا ونفری کو تہلکہ خیز انٹرویو دیتے ہوئے شاہی خاندان کے راز افشا کر دیئے اور کہا کہ انہیں شاہی خاندان کا حصہ بننے کے بعد خاموش کروا دیا گیا تھا

تھامس مارکل نے کہا ہے کہ مجھے نہیں لگتا کہ برطانوی نسل پرست ہوتے ہیں، میں سمجھتاہوں لاس اینجلس، کیلی فورنیا کے لوگ نسل پرست ہیں۔

میگھن مارکل کے والد تھامس مارکل کا مزید کہنا ہے کہ بچے کی رنگت سے متعلق سوال نسل پرستی نہیں بلکہ احمقانہ نوعیت کا ہو سکتا ہے۔