ثمینہ پیرزادہ نے کورونا ویکسین لگوالی

پاکستان شوبز انڈسٹری کی سینئر اداکارہ و میزبان ثمینہ پیرزادہ نے عالمی وبا کورونا وائرس سے بچاؤ کے لیے ویکسین لگوالی۔

سماجی رابطے کی ویب سائٹ ٹوئٹر پر ثمینہ پیرزادہ نے اپنی تصویر شیئر کی جس میں وہ کورونا ویکسینیشن سینٹر میں موجود نظر آرہی ہیں۔

ٹوئٹر پر شیئر کی گئی تصویر میں دیکھا جاسکتا ہے کہ ثمینہ پیرزادہ کورونا وائرس سے خود کو محفوظ رکھنے کے لیے ویکسین لگوا رہی ہیں۔

ثمینہ پیرزادہ نے تصویر شیئر کرتے ہوئے اپنے ٹوئٹ میں لکھا ’شکریہ اور شاباش پاکستان۔‘

ثمینہ پیرزادہ نے عوام سے کیا اپیل کی؟

پاکستان کی سینئر اداکارہ و میزبان ثمینہ پیرزادہ نے عوام سے پاکستان کو صاف رکھنے کی اپیل کردی۔

دوسری جانب فلم و ٹی وی انڈسٹری کی معروف اداکارہ ارمینا خان نے بھی کورونا ویکسین لگوالی جس کی ویڈیو اُنہوں نے اپنے ٹوئٹر اکاؤنٹ پر شیئر کی ہے۔

ارمینا خان نے کہا کہ ’میں کورونا ویکسین لگوا کر بہت شکرگزار اور پُرسکون محسوس کر رہی ہوں۔‘

واضح رہے کہ اس سے قبل اداکارہ ریما خان بھی کورونا ویکسین لگوا چکی ہیں۔

اسلام آباد: 13 ہزار 963 ہیلتھ ورکرز اور شہریوں کو کورونا ویکسین لگ گئی

اسلام آباد میں ہیلتھ ورکرز اور 60 سال سے زائد عمر کے افراد کی کورونا ویکسینیشن کا سلسلہ جاری ہے، اب تک 13 ہزار 963 ہیلتھ ورکرز اور شہریوں کو کورونا ویکسین دی جاچکی ہے۔

خیال رہے کہ نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق ملک بھر میں کورونا وائرس سے انتقال کرنے والوں کی مجموعی تعداد 13 ہزار 537 ہو گئی ہے، جبکہ کُل مریضوں کی تعداد 6 لاکھ7 ہزار 453 ہو چکی ہے۔