گوہر خان کی کورونا رپورٹ منفی ہے، ایف آئی آر پر ٹیم کا ردعمل

16 مارچ ، 2021

بالی ووڈ اداکارہ گوہرخان کی ٹیم نے ان کے خلاف درج ایف آئی آر پر ردعمل دیتے ہوئے اداکارہ کے کورونا وائرس ٹیسٹ کی رپورٹ شیئر کردی، رپورٹ کے مطابق اداکارہ کے ٹیسٹ کے نتائج منفی آئے ہیں۔

بھارتی میڈیا رپورٹس کے مطابق گزشتہ روز کورونا وائرس ٹیسٹ مثبت آنے کے باوجود شوٹنگ پر جانے کے الزام میں گوہر خان کے خلاف مقدمہ درج کیا گیا تھا۔

یہ بھی پڑھیے

گوہر خان کی ٹیم کی جانب سے درخواست کی گئی کہ غلط خبریں نہ پھیلائیں، قیاس آرائیوں سے گریز کریں اور گوہر کے جذبات کا احترام کریں، ابھی صرف دس دن قبل ہی ان کے والد کا انتقال ہوا ہے، اس مشکل وقت سے نکلنے کے لیے انہیں وقت دیں۔

ٹیم نے اپنے بیان میں مزید کہا کہ اداکارہ قانون کی پابندی کرنے والی شہری ہیں اور کورونا وائرس سے متعلق تمام ایس او پیزپرعمل بھی کررہی ہیں۔

واضح رہے کہ ممبئی میونسپل کارپوریشن کی جانب سے اداکارہ گوہر خان پر کورونا پروٹوکولز کی خلاف ورزی کا الزام عائد کرتے ہوئے ایف آئی آر درج کرائی گئی تھی۔

تازہ ترین