عمران خان بہادری سے کورونا کو شکست دیں گے: حریم شاہ

پاکستان کی متنازع ٹِک ٹاک اسٹار حریم شاہ نے کہا ہے کہ وزیراعظم عمران خان ایک بہادر لیڈر ہیں اور اُنہیں یقین ہے کہ وہ اپنی بہادری سے کورونا وائرس کو بھی شکست دے دیں گے۔

سوشل میڈیا سائٹ انسٹاگرام پر حریم شاہ نے وزیراعظم عمران خان کے لیے خصوصی ویڈیو پیغام جاری کیا ہے۔

حریم شاہ نے اپنے ویڈیو پیغام میں کہا کہ ’عمران خان کا کورونا ٹیسٹ مثبت آنے پر مجھے بہت افسوس ہوا ہے۔‘

ٹک ٹاک اسٹار نے کہا کہ ’انشاءاللّٰہ! ہمارے بہادر لیڈر عمران خان کورونا وائرس سے بھی اُسی طرح لڑیں گے جیسے ملک میں کرپشن کے خلاف لڑرہے ہیں۔‘

عمران خان اور بشریٰ بی بی کورونا کا شکار، نور بخاری نے عوام سے کیا اپیل کی؟

پاکستان شوبز انڈسٹری کی سابقہ اداکارہ نور بخاری نے عوام سے وزیراعظم عمران خان اور خاتون اوّل بشریٰ بی بی کے لیے دعاؤں کی اپیل کردی۔

اُنہوں نے کہا کہ ’اللّٰہ تعالیٰ عمران خان کو ہمت دے اور جلد از جلد شفا عطا کرے۔‘

حریم شاہ نے کہا کہ ’خان صاحب مجھ سمیت پوری قوم کی دُعائیں آپ کے ساتھ ہیں۔‘

ٹک ٹاک اسٹار کا مزید کہنا تھا کہ ’جس بہادری کے ساتھ آپ ملک کی ترقی کے لیے جنگ لڑرہے ہو، اُسی بہادری کا مظاہرہ کرتے ہوئے اس عالمی وبا کورونا وائرس کو بھی شکست دیں۔‘

دعا ہے عمران خان جلد صحتیاب ہوجائیں: مہوش حیات

پاکستان کی معروف اداکارہ و تمغۂ امتیاز مہوش حیات بھی کورونا وائرس کا شکار ہونے والے وزیراعظم عمران خان کی جلد صحتیابی کے لیے دُعاگو ہیں۔

واضح رہے کہ گزشتہ روز وزیر اعظم عمران خان کا کورونا ٹیسٹ مثبت آ گیا تھا جس کی اطلاع عمران خان کے معاون خصوصی برائے صحت فیصل سلطان نے اپنے ٹوئٹر اکاؤنٹ پر دی تھی۔

فیصل سلطان نے کہا تھا کہ کورونا ٹیسٹ مثبت آنے کے بعد وزیراعظم عمران خان نے خود کو گھر میں قرنطینہ کرلیا ہے۔

شاہد آفریدی بھی عمران خان کیلئے دُعاگو

قومی کرکٹ ٹیم کے سابق کپتان شاہد آفریدی نے وزیراعظم عمران خان کی جلد صحتیابی کے لیے سوشل میڈیا پر دُعائیہ پیغام جاری کیا ہے۔

دوسری جانب وزیراعظم عمران خان کی اہلیہ خاتون اوّل بشریٰ بی بی بھی کورونا وائرس میں مبتلا ہوگئیں جس کی اطلاع عمران خان کے معاون خصوصی ذلفی بخاری نے دی۔