فرمان الہی
نماز کے اوقات
کراچی ( ٹی وی رپورٹ) جیو نیوز کے پروگرم آپس کی بات میں میزبان منیب فاروق سے گفتگو کرتے ہوئے پی ٹی آئی کے رہنما فرخ حبیب نے کہا کہ پی ڈی ایم کہ کہانی ختم ، عطا تارڑ بتائیں بلاول سلیکٹ ہونے جارہے ہیں یا مریم اور ان کا خاندان سلیکٹ ہوگا، ن لیگ کے رہنما عطا تارڑ نے کہا کہ ن لیگ بلاول بھٹو کے بیان کو سنجیدگی سے نہیں لے گی، پہلے اشاروں کنایوں میں بات ہورہی تھی آج بلاول نے نائب صدر کا ذکر کر کے براہ راست بات کردی ہے، پروگرام میں میزبان منیب فاروق نے کہا کہ کورونا وائرس کی تیسری لہر بہت سنگین ہے جو تیزی سے پھیل رہی ہے اور ویکسین لگوانے کے حوالے سے حکومت پاکستان بالخصوص حکومت پنجاب نے بہت اچھا انتظام کر رکھا ہے، ڈپٹی کمشنر لاہور مدثر ریاض لاہور نے کہا یہ یہاں پر جو سہولیات فراہم کی جارہی ہیں وہ دنیا میں سب سے بڑے پیمانے پر ہیں، لاہور کے علاوہ بھی دوسرے جگہ سے لوگ آرہے ہیں جو ساٹھ سال سے اوپر ہیں ہم کسی کو منع نہیں کرتے۔ لوگ آتے ہیں ان کا شناختی کارڈ دیکھا جاتا ہے ان کا نام عمر ا سکے بعد یہاں سے فارم نکلتا ہے اور ویکسین لگوانے کایہ فارم سمجھ لیجئے ٹکٹ ہے، ابھی تک پچاس ہزار لوگوں کو لگ چکی ہے اسکا سائیڈ افکیٹ نہیں دیکھا ہے۔
