ایک پارٹی نے PDM کا فورم استعمال کر کے شوکاز بھیجا، شازیہ مری

پاکستان پیپلز پارٹی کی سیکرٹری اطلاعات شازیہ مری نے کہا ہے کہ پاکستان ڈیموکریٹک موومنٹ (پی ڈی ایم) کا فورم استعمال کر کے ایک پارٹی نے شوکاز بھیجا۔

جیو نیوز کے پروگرام جیو پاکستان میں گفتگو کرتے ہوئے شازیہ مری نے کہا کہ پیپلز پارٹی نے پی ڈی ایم سے علیحدہ ہونے کا عندیہ نہیں دیا، پیپلز پارٹی پی ڈی ایم بنانے والوں میں شامل ہے ،پیپلزپارٹی آج بھی مل کر چلنا چاہتی ہے لیکن لگتا ہے نون لیگ کا ارادہ نہیں۔

شازیہ مری نے کہا کہ مسلم لیگ نون نے خصوصاً پی ڈی ایم کو نقصان پہنچایا ہے، ایک دو لوگ ایسے بیانات دے دیتے ہیں جس سے پی ڈی ایم کو دھچکا لگتا ہے، جو بھی جماعت پی ڈی ایم کونقصان پہنچائے گی وہ حکومت کوخوش کرے گی۔

پیپلز پارٹی کو شوکاز نوٹس نہیں بھیجا، بس وضاحت مانگی ہے، شاہد خاقان

سابق وزیراعظم شاہد خاقان عباسی کا کہنا ہے کہ پیپلزپارٹی کو شوکاز نوٹس نہیں بھیجا، بس وضاحت مانگی ہے۔

پی پی رہنما نے کہا کہ اے این پی آزاد سیاسی جماعت ہے، ہم اس کے الوداع کہنے کے فیصلے کا احترام کرتے ہیں۔

ان کا کہنا ہے کہ بلاول بھٹو اپنے ردعمل کے اظہار میں تحمل سے کام لے رہے ہیں۔

اتحاد میں شوکاز ہوتا ہے نہ ہی وضاحت ہوتی ہے، راجا پرویز اشرف

سابق وزیراعظم اور پیپلز پارٹی کے سینئر رہنما راجا پرویز اشرف نے کہا ہے کہ اتحاد میں شوکاز ہوتا ہے نہ ہی وضاحت ہوتی ہے۔

ایک سوال کے جواب میں شازیہ مری کا کہنا تھا کہ جہانگیر ترین کی پیپلز پارٹی میں شمولیت کی خبریں غلط ہیں۔