آپ آف لائن ہیں
جمعہ3؍رمضان المبارک 1442ھ 16؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اشفاق حسین گروپ کا فیفا پابندی پر کانگرس کا اجلاس بلانے کا فیصلہ

فیفا ہاؤس پر قابض اشفاق حسین گروپ کا فیفا پابندی پر کانگرس کا اجلاس بلانے کا فیصلہ کرلیا۔

اشفاق حسین کا کہنا ہے کہ فیفا کی معطلی پرکانگرس کا اجلاس بلایا جائے گا، کانگرس اجلاس میں پاکستان کی رکنیت معطل کرنے کے اعلان کا بغورجائزہ لیں گے ۔

انہوں نے کہا کہ اجلاس میں وہی فیصلے ہوں گے جس سے پاکستان فٹبال میں بہتری آئے ، پاکستان کی رکنیت معطل ہونے کی ذمہ دار نارملائزیشن کمیٹی ہے۔

اشفاق حسین نے کہا کہ نارملائزیشن کمیٹی کو الیکشن کے لیے 18 ماہ کا مینڈیٹ دیا لیکن وہ ناکام رہی ، فیفا اپنی کمیٹی کی غلطی کی سزا پاکستان کو دے رہا ہے۔

واضح رہے کہ فٹ بال کی عالمی باڈی فیفا نے پاکستان فٹ بال فیڈریشن (پی ایف ایف) کی رکنیت معطل کردی۔

پاکستان کو پی ایف ایف معاملات میں بیرونی مداخلت پر معطل کیا گیا، فیفا کی رکنیت پاکستان فٹبال فیڈریشن نارملائزیشن کمیٹی کو اختیارات کی واپسی تک معطل رہے گی۔

کھیلوں کی خبریں سے مزید