تحریک لبیک کے مطالبات پارلیمنٹ میں لائے جائیں گے

وزیراعظم عمران خان کی زیرصدارت اجلاس میں تحریک لبیک کے مطالبات پر مشتمل قرارداد عید سے پہلے پارلیمنٹ میں پیش کرنے کا فیصلہ ہوگیا۔

معاہدے پر عملدر آمد کے لیے کمیٹی دیگر جماعتوں سے بھی بات کرے گی۔

وزیراعظم عمران خان کی زیرصدارت تحریک لبیک سے معاہدے پر غور کےلیے اجلاس ہوا، جس میں وفاقی وزرا شاہ محمود قریشی، شیخ رشید اور نورالحق قادری نے شرکت کی۔

اجلاس میں تحریک لبیک کے ساتھ ہونے والے معاہدے پر عملدرآمد کی حکمت عملی پر غور کیا گیا۔

ذرائع کے مطابق فرانس کے سفیر کی ملک بدری کے لیے قرارداد پارلیمنٹ سے منظور کروانے کی تجویز پر غور کیا گیا۔