آپ آف لائن ہیں
ہفتہ4؍رمضان المبارک 1442ھ 17؍اپریل 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کراچی کے ضمنی انتخاب میں اے این پی اور جے یو آئی نے ن لیگ کی حمایت کردی

کراچی (این این آئی) عوامی نیشنل پارٹی اور جے یو آئی (ف) نے این اے 249بلدیہ کی نشست پر ہونے والے ضمنی الیکشن میں مسلم لیگ ن کے امیدوار مفتاح اسمٰعیل کی حمایت کا اعلان کردیا ہے۔ مولانا فضل الرحمن کے حکم پر کراچی این اے 249 پر جمعیت علما اسلام کے امیدوار مولانا عمر صادق مسلم لیگ (ن) کے امیدوار مفتاح اسماعیل کے حق میں دستبردار ہو گئے ہیں ۔انہوں نے ریٹرننگ آفس جا کر اپنے کاغذات نامزدگی واپس لے لئے ہیں ۔کراچی کے حلقہ 249 ضمنی انتخاب میں اے این پی کاامیدوار مفتاح اسماعیل کے حق میں دستبردار ہو گیا۔ اے این پی کے رہنما یونس بونیری کاکہناہے کہ اپنے امیدوارکومسلم لیگ ن کی حمایت میں دستبردارکرتے ہیں،ابھی ہم پی ڈی ایم کا حصہ نہیں، امید ہے رابطے بحال ہونگے اور اشتراک ہوگا،مفتاح اسماعیل اب ن لیگ اور اے این پی کے مشترکہ امیدوار ہونگے۔لیگی امیدوار مفتاح اسماعیل نے کہا کہ مجھے امید ہے کہ ن لیگ حلقہ میں جیتے گی،پی ٹی آئی کے لوگوں نے ہمیشہ جھوٹ بولا، اسد عمر کو میرے حوالے سے بیان دینے سے پہلے سوچنا چاہئے، انکا کہنا تھا کہ میں مسلم لیگ ن کے انتخابی نشان شیر کے نشان پر الیکشن لڑرہا ہوں۔

اہم خبریں سے مزید