تمباکو اور دیگر صنعتوں میں ٹیکس چوری روکنے کیلئے خط
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تمباکو اور دیگر صنعتوں میں ٹیکس چوری روکنے کیلئے خط

پشاور (جنگ نیوز)خیبر ٹوبیکو کمپنی کی چیف ایگزیکٹو آفیسر سمیرا عرفان نے وزیر اعظم عمران خان کو لکھے گئے خط میں تمباکو اور دیگر صنعتوں میں ٹیکس چوری روکنے کے لئے فیڈرل بورڈ آف ریونیو کے ٹریک اینڈ ٹریس سسٹم کے لئے ہر ممکن مدد کی پیش کش کرتے ہوئے کہا ہے کہ ٹریک اینڈ ٹریس سسٹم کے ساتھ تمام قابل ایجنسیوں کے مابین اچھے رابطے کے ذریعے قانون نافذ کرنے والے اداروں کو مضبوطی کے ساتھ ہونا چاہئے۔ یہ بات پوری طرح سے واضح ہے کہ اس قسم کے ڈیجیٹل حل جو ٹریک اور ٹریس کی پیش کش کرتے ہیں وہ آگے بڑھنے والے اہم قدم کی نمائندگی کرتے ہیں اور یہ تمباکو کی صنعت میں تمام سٹیک ہولڈرز کے لئے فائدہ مند ثابت ہوں گے۔کئی سالوں سے مارکیٹ ٹیکس چوری ، جعلی مصنوعات اور بیرون ملک سے غیر قانونی درآمدات کی لپیٹ میں ہے۔ اس کے نتیجے میں حکومت کو مالی آمدنی کا نقصان ہوا اور صارفین کی مناسب حفاظت کا فقدان ہوا۔
پشاور سے مزید