امریکی شہر انڈیانا پولس میں فائرنگ ، متعدد افراد زخمی

امریکا کے شہر انڈیانا پولس میں فائرنگ سے متعدد افراد کی ہلاکت اور زخمی ہونے کی اطلاعات ہیں۔

امریکی میڈیا کے مطابق فائرنگ کا واقعہ جمعرات کی رات انڈیانا پولس ایئرپورٹ کے قریب پیش آیا جس میں متعدد افراد کے زخمی ہونے کی اطلاعات ہیں۔

فائرنگ کے واقعے میں کم از کم 5 افراد کی ہلاکت کی اطلاعات ہیں تاہم ابھی تک سرکاری سطح پر ان کی تصدیق نہیں ہو سکی ہے۔

پولیس حکام کے مطابق جس جگہ پر فائرنگ کا واقعہ پیش آیا وہ ایک کمرشل جگہ ہے جہاں ہر وقت لوگوں کی بڑی تعداد موجود رہتی ہے، اس بات کا خدشہ ہے کہ حملہ آور نے خود کو بھی گولی مار لی ہے۔

انڈیاناپولس حکام نے واقعے کی جگہ کو انتہائی حساس قرار دیکر ایمرجنسی سروس طلب کر لی ہے۔