میٹھے مشروبات پر فیڈرل ایکسائز ڈیوٹی بڑھانے کا مطالبہ
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میٹھے مشروبات پر فیڈرل ایکسائز ڈیوٹی بڑھانے کا مطالبہ

ڈائبیٹک ایسوسی ایشن آف پاکستان نے ملک میں میٹھے مشروبات پر فیڈرل ایکسائز ڈیوٹی بڑھانے کا مطالبہ کردیا۔

ڈائبیٹک ایسوسی ایشن آف پاکستان نے اس حوالے سے فیڈرل بورڈ آف ریونیو (ایف بی آر) کے چیئرمین کو خط بھی لکھ دیا۔

خط میں مطالبہ کیا گیا کہ مصنوعی میٹھے مشروبات، کولڈ ڈرنکس پر فیڈرل ایکسائز ڈیوٹی 11 سے بڑھا کر 20 فیصد کی جائے۔


اس حوالے سے پروفیسر عبدالباسط نے کہا کہ پاکستان میں مصنوعی میٹھے مشروبات اور کولڈرنکس پر ٹیکس کم اور دنیا میں بڑھایا جارہا ہے۔

انہوں نے مزید کہا کہ پاکستان میں مصنوعی میٹھے مشروبات اور کولڈ ڈرنکس کے استعمال سے موٹاپا بڑھتا جارہا ہے، جس کی وجہ سے ذیابطیس کا مرض بھی بڑھ رہا ہے۔

پروفیسر عبدالباسط نے یہ بھی کہا کہ میٹھے مشروبات پر دنیا بھر میں ٹیکس بڑھانے سے موٹاپے کی شرح میں کمی واقع ہوئی، پاکستان میں ہر چوتھا بالغ شوگر کے مرض میں مبتلا ہے۔

صحت سے مزید