فرمان الہی
نماز کے اوقات
اسلام کی خاطر شوبز انڈسٹری کو خیرباد کہنے والی رابی پیرزادہ نے قائداعظم اور علامہ اقبال کے اسکیچ بنا کر والد کی خواہش پوری کردی۔
رابی پیرزادہ نے سوشل میڈیا سائٹ انسٹاگرام پر بابائے قوم قائد اعظم محمد علی جناح اور شاعر مشرق علامہ اقبال کے اسکیچ کے ساتھ ایک تصویر شیئر کی۔
انہوں نے بتایا کہ پچھلے دنوں اُن کا اپنے والد کے آفس جانا ہوا جہاں انہوں نے پرانی تصویریں دیوار پر دیکھیں۔
رابی پیرزادہ نے بتایا کہ میں نے ابو سے کہا تھا میں آپ کو علامہ اقبال اور قائد اعظم دونوں کی تصویر بنا کر دوں گی، آج وعدہ پورا کردیا۔
گزشتہ دنوں رابی پیرزادہ نے بتایا تھا کہ فرانس کیخلاف ٹوئٹس کرنے پر ان کا ٹوئٹر اکاؤنٹ بند کردیا گیا ہے۔ انسٹاگرام پر جاری ایک پیغام میں انہوں نے بتایا کہ فرانس کیخلاف ٹوئٹس کرنے پر ان کا اکاؤنٹ بند کردیا گیا ہے۔
