فرمان الہی
نماز کے اوقات
کراچی پولیس چیف جاوید عالم اوڈھو نے ٹریفک حادثات کو شہر کا اہم ترین مسئلہ قرار دیا ہے۔
کراچی میں تقریب سے خطاب میں جاوید عالم اوڈھو نے کہا کہ ٹریفک حادثات شہر کا اہم مسئلہ ہیں، ڈمپرز 5 بڑے حادثات کا سبب بنے ہیں۔
انہوں نے کہا کہ کلین چٹ نہیں دے سکتے کہ شہریوں کی جانیں لیتے رہیں، کل ایک میٹنگ ہے، ہیوی گاڑیوں کے اوقات کار دوبارہ طے کریں گے۔
کراچی پولیس چیف نے مزید کہا کہ ہم نے ہیوی ٹریفک کی اوقات کار وضح کر رکھے ہیں۔
ان کا کہنا تھا کہ کراچی میں اسٹریٹ کرائم کی شرح میں بتدریج کمی آنا شروع ہوئی ہے۔
جاوید عالم اوڈھو نے یہ بھی کہا کہ ڈکیتی کے دوران شہریوں کے زخمی ہونے کے واقعات میں کمی آئی ہے، وائلنس کرائم میں 10 فیصد سے زائد کمی واقع ہوئی ہے۔
