رابی پیرزادہ کی خطاطی نمائش کیلئے تیار

10 جنوری ، 2020

گزشتہ سال شوبز انڈسٹری کو خیرباد کہنے والی رابی پیرزادہ جلد ہی اپنی کیلیگرافی کی نمائش کریں گی۔

سماجی رابطے کی ویب سائٹس پر رابی نے اپنی خطاطی کی ویڈیوز شیئر کیں اور کیپشن میں لکھا کہ ’جب اللہ کے راستے پر چلتے ہیں تو اللہ خود راستہ دکھاتا ہے۔‘

ساتھ ہی انہوں نے یہ اعلان بھی کیا کہ وہ جلد ہی اپنی خطاطی کی نمائش بھی کریں گی۔ انہوں نے اپنے پیغام میں ہیش ٹیگ ’چھوٹی سی بات‘ کا بھی استعمال کیا۔

شیئر کی جانے والی ویڈیوز کے بیک گراؤنڈ میں رابی پیرزادہ کی آواز میں نعت سنی جا سکتی ہے۔

ویڈیو میں دیکھا جاسکتا ہے کہ سورہ قدر اور سورہ فاتحہ کی نہایت دلکش انداز میں خطاطی کی گئی ہے۔

یاد رہے کہ رابی پیرزادہ کی دو ماہ قبل نازیبا تصاویر اور ویڈیوز سوشل میڈیا پر لیک ہونے کے بعد اپنے ایک ویڈیو پیغام کے ذریعے شوبز انڈسٹری سے کنارہ کشی کا اعلان کیا تھا اور باقی کی زندگی اسلام کے لیے وقف کرنے کا بھی کہا تھا۔

شوبز سے کنارہ کشی کے بعد سے ہی رابی اکثر قرآنی آیات اور تلاوت کی تصاویر و ویڈیوز شیئر کرتی نظر آرہی ہیں تاہم اب وہ اپنی کیلیگرافی کی نمائش کے لیے بھی تیار ہیں۔

تازہ ترین