حسن علی کی شاندار بولنگ، پاکستان پہلے ٹیسٹ میں اننگز اور 116 رنز سے کامیاب
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حسن علی کی شاندار بولنگ، پاکستان پہلے ٹیسٹ میں اننگز اور 116 رنز سے کامیاب

فاسٹ بولر حسن علی کی شاندار بولنگ کی بدولت پاکستان نے زمبابوے کو ہرارے ٹیسٹ میں اننگز اور 116 رنز سے باآسانی شکست دے دی۔ 

پاکستان کی پہلی اننگز کی برتری کو پورا کرنے میں بھی ہوم ٹیم ناکام رہی اور اپنی دوسری اننگز میں صرف 134 رنز بناسکی۔

پاکستان کی جانب سے دوسری اننگز میں حسن علی نے زمبابوے کے 5 کھلاڑیوں کو آؤٹ کیا جبکہ انھوں نے میچ میں مجموعی طور پر 9 وکٹیں لیں۔

اسپنر نعمان علی دو اور فہیم اشرف نے ایک، ایک وکٹ حاصل کی۔

زمباوبے کی ٹیم اپنی پہلی اننگز میں 176 رنز بنا کر آؤٹ ہوگئی تھی، جبکہ پاکستان نے پہلی اننگز میں فواد عالم کے شاندار 140 اور عمران بٹ کے 91 رنز کی بدولت 426 رنز اسکور کیے تھے۔ 

پہلی اننگز میں ہی قومی ٹیم نے 250 رنز کی برتری حاصل کرلی تھی جسے ہوم ٹیم ختم نہیں کرپائی اور 134 رنز پر ہی ڈھیر ہوگئی۔ 

زمبابوے کی جانب سے تریسائی مساکانڈا 43، کپتان برینڈن ٹیلر 29 اور کیون کاسوزا 28 رنز کی اننگز کھیل کر نمایاں رہے۔ 

پاکستانی فاسٹ بولر حسن علی کو 9 وکٹیں لینے اور 30 رنز بنانے پر میچ کا بہترین کھلاڑی قرار دیا گیا۔

کھیلوں کی خبریں سے مزید