ترین گروپ کا عید کے بعد لائحہ عمل طے کرنے کا فیصلہ

پی ٹی آئی کے جہانگیر ترین گروپ نے عید تک خاموشی اور عید کے بعد صورتحال کے تناظر میں لائحہ عمل طے کرنے کا فیصلہ کر لیا ہے۔

جہانگیر ترین گروپ کے ارکان پارلیمنٹ نے مشاورت کے بعد فیصلہ کیا ہے کہ وزیراعظم کے نامزد کردہ سینیٹر علی ظفر ایڈوکیٹ کی تحقیقات کا انتظار کیا جائے گا، عید کے بعد ٹکٹ ہولڈرز اور ارکان پارلیمنٹ سے مشاورت کی جائے۔

ذرائع کا کہنا ہے کہ مزید چار ارکان قومی اسمبلی کا جہانگیرترین سے رابطہ ہوا ہے ۔

جہانگیر اور علی ترین کی ضمانت میں 19 مئی تک توسیع

پی ٹی آئی رہنما جہانگیر ترین اور ان کے صاحبزادے علی ترین کی عبوری درخواست ضمانت پر سماعت میں عدالت نے دونوں رہنماؤں کی تفتیش جلد مکمل کرنے کا حکم دیتے ہوئے ضمانت میں 19 مئی تک توسیع کردی۔

دوسری جانب ذرائع کا کہنا ہے کہ علی ظفر ایڈووکیٹ کی ترین گروپ کے وکلاء اور اکاؤنٹنٹ سے ملاقات ہوئی ہے جس میں انہوں نے کیس سے متعلق جہانگیر ترین کی ٹیم کا موقف سن لیا ہے۔

ذرائع کے مطابق علی ظفر ایڈووکیٹ ایف آئی اے اور پراسیکیوشن ٹیم سے بھی ملاقات کا ایک دور کرچکے ہیں،اب تک علی ظفر ایڈووکیٹ نے چار میٹنگز کی ہیں ۔

پی پی اور نون لیگ سمیت کسی سے رابطہ نہیں ہوا، جہانگیر ترین

پی ٹی آئی رہنما جہانگیر ترین کاکہنا ہے کہ مجھے کارکنوں سمیت بہت سے لوگ فون کرتے ہیں، پیپلزپارٹی اور مسلم لیگ نون سمیت ہمارا کسی کے ساتھ رابطہ نہیں ہوا ہے۔

سینیٹر علی ظفر ایڈووکیٹ کاکہنا ہے کہ مئی کے آخر تک وزیراعظم عمران خان کو رپورٹ پیش کردی جائے گی۔

واضح رہے کہ  پی ٹی آئی رہنما جہانگیر ترین اور ان کے صاحبزادے علی ترین کی عبوری درخواست ضمانت پر آج ہوئی سماعت میں عدالت نے دونوں رہنماؤں کی تفتیش جلد مکمل کرنے کا حکم دیتے ہوئے ضمانت میں 19 مئی تک توسیع کردی ہے۔