پاکستان کے کسی حصے میں طوفان سے کوئی خطرہ نہیں ، ڈائریکٹر موسمیات

ڈائریکٹر محکمہ موسمیات سردار سرفراز کا کہنا ہے کہ پاکستان کے کسی حصے میں طوفان تاؤتے سے کوئی خطرہ نہیں ہے۔

جیو نیوز سے گفتگو کرتے ہوئے ڈائریکٹر محکمہ موسمیات سردار سرفراز نے بتایا کہ بھارتی گجرات میں طوفان تاؤتے اب ڈپریشن کی صورت میں موجود ہے۔

سمندری طوفان، کراچی آج بھی شدید گرمی پڑے گی

شہر میں لو کے تھپیڑوں کا راج ہے، شہریوں کا گھر سے نکلنا محال ہوگیا۔

سردار سرفراز کے مطابق اب طوفان سے کوئی خطرہ نہیں صرف ضلع تھرپار کر کے کچھ حصوں میں تیز آندھی، بارش کا امکان ہے۔

انہوں نے بتایا کہ کراچی میں سمندری ہوائیں آج بھی معطل رہیں گی اور درجہ حرارت 43 ڈگری سینٹی گریڈ تک جانے کا امکان ہے۔

شہر قائد میں سمندری ہوائیں کل دوپہر سے بحال ہوجائیں گی۔