کنگنا رناوت کورونا وائرس سے صحتیاب ہوگئیں

18 مئی ، 2021

بھارتی اداکارہ کنگنا رناوت کورونا وائرس سے مکمل طورپر صحت یاب ہوگئی ہیں۔

متنازع اداکارہ کنگنا رناوت نے سماجی رابطے کی ویب سائٹ انسٹاگرام پر اپنے مداحوں کو یہ خوشخبری دیتے ہوئے ایک تفصیلی نوٹ لکھا۔

اداکارہ نے اپنے نوٹ میں لکھا کہ ’ہیلو، آج میراکورونا ٹیسٹ منفی آگیا ہے۔‘

کنگنا نےوائرس سے صحتیابی کے بارے میں بات کرتے ہوئے لکھا کہ ’میں اس بارے میں بہت کچھ کہنا چاہتی ہوں کہ میں نے وائرس کو کس طرح شکست دی لیکن مجھے کہا گیا ہے کہ کورونا فین کلب کو ناراض نہ کروں۔‘

یہ بھی پڑھیے

انہوں نے اپنی بات جاری رکھتے ہوئے کہا کہ ہاں واقعی ہی ایسے لوگ موجود ہیں جو اگر آپ وائرس پر ایسی ویسی بات کریں تو ناراض ہوجاتے ہیں۔‘

اپنے مداحوں کا شکریہ ادا کرتے ہوئے لکھا کہ ’بہرحال آپ کی دعاؤں اور محبت کا شکریہ‘