’لیجنڈز بوڑھے نہیں ہوتے‘، شعیب ملک کی وسیم اکرم کو سالگرہ کی مبارکباد

پاکستان کرکٹ ٹیم کے آل راؤنڈر شعیب ملک نے لیجنڈری کرکٹر وسیم اکرم کو سالگرہ کی مبارکباد دلچسپ انداز میں دی۔ 

مائیکرو بلاگنگ ویب سائٹ ٹوئٹر پر شعیب ملک نے اپنی اور وسیم اکرم کی ایک تصویر شیئر کی۔ 

شعیب نے لکھا کہ ’لیجنڈز بوڑھے نہیں ہوتے، بلکہ وہ مزید عظیم ہوجاتے ہیں‘۔ 

ان کا کہنا تھا کہ آپ کی لاجواب سرپرستی کا ایک اور سال ہوگیا۔ 

شعیب ملک نے اپنے سابق کپتان کو سالگرہ کی مبارکباد بھی دی۔