پی ڈی ایم سرکاری ملازمین کے ساتھ ہے، مولانا عبدالغفور حیدری

اپوزیشن جماعتوں کے اتحاد پاکستان ڈیموکریٹک موومنٹ (پی ڈی ایم) اور جمعیت علماء اسلام (ف) کے رہنما مولانا عبدالغفور حیدری کا کہنا ہے کہ پاکستان ڈیموکریٹک موومنٹ سرکاری ملازمین کے ساتھ ہے۔

مولانا عبدالغفور حیدری نے تنخواہوں میں اضافے کے لیے پارلیمنٹ ہاؤس کے سامنے مظاہرہ کرنے والے سرکاری ملازمین سے ملاقات کی اور ان سے اظہارِ یک جہتی بھی کیا۔

وفاقی وزیرِ خزانہ شوکت ترین کی بجٹ تقریر کے اہم نکات

وفاقی وزیرِ خزانہ شوکت ترین قومی اسمبلی میں مالی سال 22-2021ء کا وفاقی بجٹ پیش کر رہے ہیں۔

مولانا عبدالغفور حیدری کا اس موقع پر مظاہرین سے خطاب کرتے ہوئے کہنا تھا کہ سرکاری ملازمین کی تنخواہوں سے متعلق سینیٹ میں آواز اٹھائی جائے گی۔

انہوں نے کہا کہ جیل میں جانے کے بعد کئی لوگوں کے بیانات تبدیل ہو جاتے ہیں، موجودہ حکومت نے تمام طبقات سے کئی وعدے کیے۔

پی ڈی ایم رہنما نے کہا کہ ملک کے وہ طبقات جو ترقی دلاتے ہیں ان کی حالت بری کردی گئی ہے، مہنگائی عروج پر ہے، جمہوریت پر قدغن اور صحافیوں پر تشدد دیکھنے کو مل رہا ہے۔

کم سے کم تنخواہ 20 ہزار مقرر

قومی اسمبلی میں پیش کیئے گئے مالی سال 22-2021ء کے وفاقی بجٹ میں وفاقی وزیرِ خزانہ شوکت ترین نے بتایا کہ وفاقی سرکاری ملازمین کی تنخواہوں اور پنشن میں 10 فیصد اضافہ کیا گیا ہے۔

انہوں نے مزید کہا کہ آئی ایم ایف نے ایک مسودہ تیار کیا اور وزیرِ خزانہ شوکت ترین کو تھما دیا، بجٹ میں پسماندہ علاقوں کے ترقیاتی منصوبے کے لیے رقم مختص نہیں کی گئی۔

مولانا عبدالغفور حیدری کا یہ بھی کہنا ہے کہ جس رفتار سے مہنگائی ہوئی اسی رفتار سے سرکاری ملازمین کی تنخواہوں میں اضافہ ہونا چاہیے۔