• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلاول بھٹو کو ان کی جماعت نے غلط بریف کیا، ترجمان وزیراعظم آزاد کشمیر


وزیراعظم آزاد کشمیر راجا فاروق حیدر کے ترجمان نے پیپلز پارٹی کے چیئرمین بلاول بھٹو کےبیان پر ردعمل دے دیا ہے۔

ترجمان وزیراعظم آزاد کشمیر نے ایک بیان میں کہا کہ بلاول بھٹو کو آزادکشمیر الیکشن قوانین سے متعلق ان کی جماعت نے غلط بریف کیا ہے۔

ترجمان کا کہنا ہے کہ انتخابی فہرستوں کی تیاری میں حکومت آزاد کشمیر یا وزیراعظم آفس کا کوئی کردار نہیں، الیکشن کمیشن آزاد کشمیر با اختیار ادارہ ہے۔

انہوں نے مزید کہا کہ آزاد کشمیر کا الیکشن کمیشن کئی ماہ سے ووٹر فہرستوں کی تیاری میں مصروف ہے۔

ترجمان وزیراعظم آزاد کشمیر نے یہ بھی کہا کہ حتمی ووٹر فہرستوں کی اشاعت سے قبل بارہا مجوزہ فہرستیں شائع کی جاتی ہیں۔

اُن کا کہنا تھاکہ وزیراعظم آزادکشمیر اور ان کے دفتر کو ملوث کرنے کی بات بلاول بھٹو زرداری شاید لاعلمی میں کہہ گئے۔

ترجمان نے کہا کہ بلاول بھٹو یا ان کی جماعت کو انتخابی فہرستوں پر اعتراضات ہیں تو اس کا قانونی طریقہ کار موجود ہے۔

قومی خبریں سے مزید