وفاقی وزیر خزانہ شوکت ترین نے کہا ہے کہ ٹیکس وصولی کے حوالے سے تاجر برادری کے تحفظات دور کریں گے۔
جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے شوکت ترین نے کہا کہ دانستہ ٹیکس چوری کرنے والوں کو گرفتار کرنے کا فیصلہ وزیر خزانہ کی سطح پر ہوگا۔ اس میں سے ایف بی آر کا جو کردار بجٹ میں تجویز کیا ہے وہ بھی ختم کردیں گے۔
انہوں نے کہا کہ ٹیکس چوری کے مقدمات سال ہا سال عدالتوں میں لٹکے رہتے ہیں اس لیے نیا نظام لانے کا فیصلہ کیا۔