سندھ، تعلیمی اداروں میں موسم گرما کی تعطیلات نہیں ہونگی

سندھ کے تعلیمی اداروں میں موسم گرما کی تعطیلات نہیں ہونگی۔

ترجمان محکمہ تعلیم کا کہنا ہے کہ اسٹیرنگ کمیٹی میں چھٹیاں نہ کرنے سے متعلق فیصلہ ہوا۔

سندھ میں 50 فیصد حاضری کے ساتھ اسکول کھلے رہیں گے، سعید غنی

وزیر تعلیم سندھ سعید غنی نے صوبے میں اسکولوں کے حوالے سے کہا ہے سندھ میں 50 فیصد حاضری کے ساتھ اسکول کھلے رہیں گے۔

ترجمان محکمہ تعلیم کے مطابق درجہ حرارت زیادہ بڑھنےکی صورت میں موسم گرما کی چھٹیاں کی جاسکتی ہیں۔

دوسری جانب صوبے بھر میں دسویں جماعت کے امتحان 5 جولائی اور بارہویں کے امتحان 26 جولائی سے شروع ہونے کا نوٹیفیکشن جاری کردیا گیا ہے۔

محکمہ تعلیم سندھ کے نوٹیفکیشن کے مطابق نویں کے امتحانات دسویں کے اور گیارہویں جماعت کے امتحان بارہویں کے بعد ہوں گے۔