حکومت بتائے کورونا کے حوالے سے جو فنڈ آئے وہ کہاں گئے؟ فیصل کریم کنڈی

پاکستان پیپلز پارٹی (پی پی پی) کے سیکریٹری اطلاعات فیصل کریم کنڈی کا کہنا ہے کہ حکومت بتائے کورونا کے حوالے سے جو فنڈ آئے ہیں وہ کہاں گئے؟۔

کورونا ویکسین کی قلت پر ردِ عمل دیتے ہوئے فیصل کریم کنڈی نے کہا کہ نااہل حکومت صبح سے شام تک جھوٹ بولنے پر لگی ہوئی ہے۔

9874 ڈاکٹرز، 2357 نرسز، 4297 ہیلتھ اسٹاف کورونا پازیٹو ہوچکے ہیں، ذرائع

ذرائع وزارت صحت کا کہنا ہے کہ پنجاب میں 3477 ہیلتھ ورکرز پازیٹو، 29 انتقال کرچکے ہیں، کے پی میں 3941 ہیلتھ ورکرز پازیٹو، 43 انتقال کرچکے ہیں۔

فیصل کریم کنڈی نے کہا کہ حکومت کودیے گئے کورونا فنڈ کے معاملے پر تھرڈ پارٹی آڈٹ ہونا چاہیے۔

پی پی رہنما نے کہا کہ کورونا فنڈ کہاں خرچ ہوا؟ تھرڈ پارٹی آڈٹ سے سب کچھ سامنے آجائے گا۔