وزارت خزانہ کا مفتاح اسماعیل کو جواب

وزارت خزانہ نے کہا ہے کہ عالمی مالیاتی ادارہ (آئی ایم ایف) پروگرام معطل نہیں ہے۔

وزارت خزانہ نے سابق وفاقی وزیر مفتاح اسماعیل کی پریس کانفرنس پر ردعمل دے دیا۔

ایک بیان میں وزارت خزانہ نے کہا کہ آئی ایم ایف پروگرام معطل نہیں ہے، اس کے مشن کا اگست میں دورہ متوقع ہے۔

حکومت ایف بی آر کو نیب بنارہی ہے، مفتاح اسماعیل

مسلم لیگ (ن) کے سینئر رہنما اور سابق وفاقی وزیر مفتاح اسماعیل نے کہا ہے کہ حکومت فیڈرل بورڈ آف ریونیو (ایف بی آر) کو قومی احتساب بیورو (نیب) بنارہی ہے۔

بیان میں کہا گیا کہ آئی ایم ایف مشن پورے سال کی معاشی کارکردگی کا جائزہ لے گا۔

وزارت خزانہ کے مطابق پاکستان نے مارچ تک آئی ایم ایف پروگرام کے تمام اہداف حاصل کیے ہیں۔

بیان میں مزید کہا گیا کہ آئی ایم ایف پروگرام کے دوران پاکستان نے بہترین معاشی کارکردگی کا مظاہرہ کیا۔

پارلیمنٹ کی توقیر: فرخ حبیب اور رانا ثنا اللہ میں نوک جھوک

پارلیمنٹ کی توقیر کے معاملے میں وفاقی وزیر مملکت فرخ حبیب اور ن لیگی رہنما رانا ثنا اللہ کے درمیان نوک جھوک سامنے آئی ہے۔

وزارتِ خزانہ نے واضح کیا کہ ورلڈ بینک نے پاکستان کا قرض نہیں روکا، ایک روز قبل ہی ورلڈ بینک نے پاکستان کے لیے قرض کی منظوری دی ہے۔

بیان میں کہا گیا کہ مسلم لیگ ن کے وزیرخزانہ نے ملکی معیشت کو تباہ کیا، آئی ایم ایف قرض پروگرام کی ذمےدار ن لیگ ہے۔

وزارت خزانہ نے یہ بھی کہا کہ حکومت عالمی مارکیٹ میں تیل کی قیمتوں میں اضافہ صارفین کو منتقل نہیں کر رہی۔

کراچی جلسہ بتائے گا کہ کسی کے جانے سے فرق نہیں پڑتا، فضل الرحمٰن

اپوزیشن اتحاد ( پی ڈی ایم ) کے سربراہ مولانا فضل الرحمٰن نے کہا ہے کہ کراچی جلسہ بتائے گا گاڑی سے کسی مسافر کے اُترنے سے کوئی فرق نہیں پڑتا۔

بیان میں کہا گیا کہ حکومت تیل کی قیمتوں میں استحکام لانے کی کوشش کر رہی ہے، بین الاقوامی مارکیٹ میں تیل کی قیمتوں میں کمی کا امکان ہے۔

وزارت خزانہ نے مزید کہا کہ ایران پر عالمی پابندیاں ختم ہونے کی توقع ہے، سعودی عرب کے ساتھ ادھار پر تیل کے معاہدے کو حتمی شکل دی جا رہی ہے۔

وزارت خزانہ نے یہ بھی کہا کہ 700 ارب روپے کے ٹیکس ری فنڈز روکنے میں کوئی صداقت نہیں ہے۔