ترک اداکار سے فراڈ کے ملزم کاشف ضمیر کی کینٹ کچہری میں بھی پیشی

ترک اداکار انگین التان سے فراڈ کے ملزم کاشف ضمیر کو کینٹ کچہری میں پیش کردیا گیا۔

کاشف ضمیر کی پولیس حراست سے بازیابی کے کیس کی سماعت ہوئی، پولیس نے کاشف ضمیر کو عدالت میں پیش کردیا۔

عدالت نے کاشف ضمیر کی قانون کے مطابق گرفتاری ہونے کے باعث بازیابی کا کیس نمٹادیا۔

لاء افسر نے ڈی ایس پی آرگنائز کرائم اچھرہ سرکل کی جانب سے کاشف کی گرفتاری کی رپورٹ پیش کی۔

انگین آلتان سے فراڈ کرنے والا ملزم دو روزہ جسمانی ریمانڈ پر پولیس کی حوالے

فراڈ اور جعلسازی کے مقدمے میں نامزد ٹک ٹاکر کاشف ضمیر کاشف ضمیر کو دو روز کےجسمانی ریمانڈ پر پولیس کی تحویل میں دے دیا گیا ہے۔

لاء افسر کا کہنا ہے کہ ملزم کو اپنی گاڑی پر جعلی نمبر پلیٹ لگانے اور خود کو سرکاری افسر ظاہر کرنے پر گرفتار کیا گیا۔

ترک اداکار سے فراڈ کے ملزم کاشف ضمیر کی کینٹ کچہری میں بھی پیشی ہوئی، مجسٹریٹ نے ملزم کاشف ضمیر کو جوڈیشل ریمانڈ پر جیل بھیج دیا۔

کاشف ضمیر پر فراڈ کا مقدمہ تھانہ ریس کورس میں درج ہے، اس پر ترک اداکار سے 9 کروڑ کےفراڈ کا الزام ہے۔