انگین آلتان سے فراڈ کرنے والا ملزم دو روزہ جسمانی ریمانڈ پر پولیس کی حوالے

فراڈ اور جعلسازی کے مقدمے میں نامزد ٹک ٹاکر کاشف ضمیر کاشف ضمیر کو دو روز کےجسمانی ریمانڈ پر پولیس کی تحویل میں دے دیا گیا ہے۔

پولیس نے ترک اداکار انگین آلتان سے فراڈ کرنے والے ملزم کاشف ضمیر کو جسمانی ریمانڈ مکمل ہونے پر عدالت میں پیش کیا۔

عدالت نے ملزم کاشف ضمیر کو دو روز کےجسمانی ریمانڈ پر پولیس کی تحویل میں دے دیا۔

ملزم کاشف ضمیر پر ترک اداکار کو پاکستان بلا کر9 کروڑ روپے کا فراڈ کرنے کا الزام ہے۔

جلد پاکستان آؤں گا :انگین آلتان

پاکستان سمیت دنیا بھر میں مقبول تُرک اداکار انگین آلتان کا کہنا ہے کہ وہ جلد پاکستان آئیں گے۔

 واضح رہے کہ دو روز قبل ترک ڈرامہ سیریل ارطغرل غازی کے ہیرو انگین التان سے فراڈ کرنے والے ملزم کو گرفتار کیا گیا تھا۔

لاہور پولیس کا کہنا تھا کہ ملزم کاشف ضمیر ٹک ٹاکر اور ریکارڈ یافتہ ہے، گرفتاری کے وقت ملزم کے گھر سے بلیو لائٹ اور سبز نمبر پلیٹ والی گاڑی بھی برآمد ہوئی تھی۔

انگین آلتان کو پاکستان کون لایا؟

آج صبح لاہور پہنچنے والے شہرہ آفاق ترک ڈرامہ ’ارطغرل غازی‘ میں مرکزی کردار ادا کرنے والے ترکش اداکار انگین آلتان ٹک ٹاکر میاں کاشف ضمیر کے کہنے پر پاکستان آئے ہیں۔

پولیس حکام کے مطابق  ملزم کے خلاف ترک اداکار کی درخواست پر تھانہ ریس کورس میں مقدمہ درج ہے۔

پولیس کے مطابق ترک اداکار نے بذریعہ ای میل آئی جی پنجاب کو درخواست بھیجی تھی، ملزم نے 9 کروڑ روپے کے جعلی چیک اور ڈرافٹ بناکر ترکی بھیجے تھے۔

ڈی ایس پی سی آئی اے کا کہنا تھا کہ ملزم کاشف کے خلاف سیالکوٹ اور لاہور میں فراڈ کے 6 مقدمات درج ہیں۔