ایف اے ٹی ایف تکنیکی فورم ہے یا سیاسی؟: وزیرِ خارجہ

وزیرِ خارجہ مخدوم شاہ محمود قریشی کا پاکستان کے ایف اے ٹی ایف کی گرے لسٹ میں برقرار رہنے کے حوالے سے کہنا ہے کہ تعین کرنا ہوگا کہ ایف اے ٹی ایف تکنیکی فورم ہے یا سیاسی؟

 میڈیا سے گفتگو کرتے ہوئے وزیرِ خارجہ مخدوم شاہ محمود قریشی نے بتایا کہ ایف اے ٹی ایف نے ہمیں 27 نکات دیئے تھے۔

ایف اے ٹی ایف کا پاکستان کو گرے لسٹ میں برقرار رکھنے کا فیصلہ

ایف اے ٹی ایف کا کہنا ہے کہ پاکستان کی پیش رفت پر اطمینان ہے، پاکستان کو سزا کے نظام کو بہتر بنانا ہوگا۔

انہوں نے کہا کہ تسلیم کیا جا رہا ہے کہ ہم نے 26 نکات پر مکمل عمل درآمد کر لیا، تاہم ہمیں اب مزید 6 نکات پر عمل درآمد کا ٹاسک دے دیا گیا۔

شاہ محمود قریشی نے کہا کہ ایسی صورتِ حال میں پاکستان کو گرے لسٹ میں رہنے اور رکھنے کی گنجائش نہیں بنتی۔

ان کا کہنا ہے کہ تعین کرنا ہوگا کہ ایف اے ٹی ایف تکنیکی فورم ہے یا پولیٹیکل؟

پاکستان کا ایف اے ٹی ایف کے 27 میں سے 26 نکات پر عملدرآمد

پاکستان نے فنانشل ایکشن ٹاسک فورس ( ایف اے ٹی ایف ) کے 27 میں سے 26 نکات پر عمل درآمد کرلیا۔

وزیرِ خارجہ نے مزید کہا کہ یہ دیکھنا ہوگا کہ اس فورم کو سیاسی مقاصد کے لیے تو استعمال نہیں کیا جا رہا؟

شاہ محمود قریشی کا یہ بھی کہنا ہے کہ بعض قوتیں چاہتی ہیں کہ پاکستان کے سر پر تلوار لٹکتی رہے۔