فرمان الہی
نماز کے اوقات
قومی کرکٹ ٹیم کے سابق کپتان اور آل راؤنڈ شعیب ملک اپنے مرحوم والد کو یاد کرتے ہوئے غمزدہ ہوگئے۔
سماجی رابطے کی ویب سائٹ ٹوئٹر پر شعیب ملک نے اپنی ایک تصویر شیئر کی ہے جس میں وہ اپنے والد کی قبر پر موجود ہیں اور ہاتھ اُٹھائے اُن کے لیے دُعا کر رہے ہیں۔
شعیب ملک نے اپنے ٹوئٹ میں لکھا کہ ’میرے والد، میرے ہیرو، میرا چمکتا ہوا ستارہ، کاش! آپ میرے ساتھ ہوتے۔‘
اُنہوں نے مزید لکھا کہ ’ابّو جان! آپ کا بیٹا آپ کو بہت یاد کررہا ہے۔‘
سابق کپتان کے رنجیدہ ٹوئٹ پر اُن کے مداحوں کی بڑی تعداد اُنہیں حوصلہ دیتی ہوئے نظر آرہی ہے۔
یاد رہے کہ شعیب ملک اور ثانیہ مرزا 12 اپریل 2010 میں شادی کے بندھن میں بندھے تھے۔
اُن کی شادی بھارت کے شہر حیدر آباد میں ہوئی تھی جبکہ ولیمہ شعیب ملک کے نواحی علاقے سیالکوٹ میں ہوا تھا۔
کھیلوں کی دُنیا کے اس جوڑی کا ایک بیٹا اذہان مرزا ملک ہے۔
