فرمان الہی
نماز کے اوقات
باصلاحیت اداکار عمران اشرف نے پاکستان کی معروف سماجی شخصیت اور فلاحی ادارے ایدھی فاؤنڈیشن کی شریک سربراہ بلقیس ایدھی کو بھی اپنا دیوانہ بنا لیا۔
عمران اشرف نے سوشل میڈیا سائٹ انسٹاگرام پر بلقیس ایدھی کی ایک مختصر ویڈیو شیئر کی جس میں وہ ان کے ڈرامے میں کردار ’موسیٰ‘ کی تعریف کرتی دکھائی دے رہی ہیں۔
وہ کہتی ہیں کہ ’موسیٰ بہت پسند ہے ، میں بار بار انہیں دیکھتی ہوں۔‘
ویڈیو شیئر کرتے ہوئے اداکار نے لکھا کہ ’جو لوگ انسانیت کی خدمت میں سب سے آگے ہیں، عبدالستار ایدھی کی اہلیہ بلقیس ایدھی صاحبہ آپ کی دعا میں رہنا آپ کو پسند آنا ایوارڈ ہے بلکہ کرم ہے۔‘
انہوں نے لکھا کہ ’آپ اللہ کے پسندیدہ لوگوں میں سے ہیں وہ جو انسانیت کی خدمت کرتے ہیں، اللہ آپ کو صحت و تندرستی دے۔‘
یاد رہے کہ عمران اشرف کے حال ہی میں اختتام پزید ہونے والے ڈرامے ’رقصِ بسمل‘ نے سب کو ہی اپنا دیوانہ بنایا ہوا ہے، عمران اشرف کے ہمراہ ڈرامے میں سارہ خان نے مرکزی کردار ادا کیا تھا۔
