• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کورونا کیسز میں اضافہ ہوا تو اسکولز بند کرنا پڑیں گے: وزیرِتعلیم KPK

تازہ ترین
قومی خبریں
15 جولائی ، 2021
کورونا کیسز میں اضافہ ہوا تو اسکولز بند کرنا پڑیں گے: وزیرِتعلیم KPK

وزیرِ تعلیم خیبر پختون خوا شہرام خان ترکئی کا کہنا ہے کہ اگر صوبے میں کورونا وائرس کے کیسز میں مزید اضافہ ہوا تو اسکولز بند کرنا پڑیں گے۔

پشاور میں وزیرِتعلیم خیبر پختون خوا نے میڈیا سے گفتگو کرتے ہوئے بتایا کہ صوبے میں 10 ویں اور 12 ویں جماعت کے تقریباً 6 لاکھ 70 ہزار طلباء و طالبات امتحان دے رہے ہیں۔

سندھ حکومت کے فیصلوں سے متفق ہوں: ڈاکٹر فیصل سلطان

وزیرِ اعظم عمران خان کے معاونِ خصوصی برائے صحت ڈاکٹر فیصل سلطان کا کہنا ہے کہ ڈیٹا بتا رہا ہے کہ کورونا وائرس کی چوتھی لہر آ رہی ہے۔

شہرام خان ترکئی نے بتایا کہ خیبر پختون خوا میں 27 جولائی سے نویں اور گیارہویں جماعت کے طلباء و طالبات کے امتحانات شروع ہوں گے۔

انہوں نے کہا کہ امتحان میں کنٹرولر مالاکنڈ بورڈ کے بیٹے کا نقل کرنا غیر اخلاقی اور غلط تھا۔

پاکستان، کورونا کی چوتھی لہر کے اثرات میں اضافہ

سماجی فاصلے، ماسک کو نظر انداز کرنے اور ایس او پیز کی خلاف ورزیوں سے پاکستان میں کورونا وائرس کی چوتھی لہر کے باعث ہلاکت خیزیوں اور اس کے کیسز میں اضافے کا سلسلہ ایک بار پھر جاری ہے، گزشتہ 24 گھنٹوں میں مزید 47 کورونا مریض انتقال کر گئے۔

شہرام خان ترکئی نے مزید کہا ہے کہ کنٹرولر کے خلاف ایف آئی آر درج ہے، اس سلسلے میں نیب کے پاس بھی جائیں گے۔

وزیرِتعلیم خیبر پختون خوا کا یہ بھی کہنا ہے کہ مالا کنڈ کے کنٹرولر کے بیٹے کو بھی نقل کرنے کی سزا ملے گی۔

تازہ ترین