فرمان الہی
نماز کے اوقات
محکمۂ موسمیات نے ملک کے سب سے بڑے شہر کراچی میں آج پھر بارش کی پیش گوئی کر دی۔
محکمۂ موسمیات کے مطابق ایک کےبعد ایک تھنڈر سیلز بن رہے ہیں،شہرِ قائد کراچی میں آج بھی گرج چمک کے ساتھ بارش ہونے کا امکان ہے جبکہ آئندہ 24 گھنٹوں کے دوران موسم گرم اور مرطوب رہے گا۔
محکمہ موسمیات نے شہر کے زیریں علاقوں میں اربن فلڈنگ کی وارننگ بھی جاری کردی ہے۔
کراچی میں کم سے کم درجۂ حرارت 25 اعشاریہ 7 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 37 ڈگری سینٹی گریڈ تک جا نے کا امکان ہے۔
محکمۂ موسمیات کا یہ بھی کہنا ہے کہ شہرِ قائد میں شمال مشرق کی سمت سے 10 سے 14 کلو میٹر فی گھنٹہ کی رفتار سے ہوائیں چل رہی ہیں، جن میں نمی کا تناسب 75 فیصد ہے۔
واضح رہے کہ گزشتہ روز بھی شہر میں گرج چمک کے ساتھ تیز موسلا دھار بارش ہوئی جس سے جل تھل ایک ہو گئے۔
شہر کی متعدد سڑکیں بارش کے بعد تالاب کا منظر پیش کرنے لگی تھیں۔
