نائلہ جعفری کے انتقال کی خبر پر یقین کرنا مشکل ہے: عائشہ خان

پاکستان شوبز انڈسٹری کی سابقہ اداکارہ عائشہ خان نے کہا ہے کہ اُن کے لیے نائلہ جعفری کے انتقال کی خبر پر یقین کرنا بہت مشکل ہے۔

عائشہ خان نے نائلہ جعفری کی یاد میں اپنے تصدیق شدہ انسٹاگرام اکاؤنٹ کی اسٹوری میں اداکارہ کی یادگار تصویر شیئر کی ہے۔

انسٹاگرام اسٹوری میں شیئر کی گئی تصویر میں نائلہ جعفری پاکستان کے شمالی علاقے میں موجود ہیں اور بہت خوش نظر آرہی ہیں۔

عائشہ خان نے اپنی انسٹاگرام اسٹوری میں لکھا کہ ’مجھے یقین نہیں آرہا کہ میں اب نائلہ جعفری کی آواز نہیں سُن سکوں اور نہ ہی اُن کی خوبصورت مُسکراہٹ دیکھ سکوں گی۔‘

بشریٰ انصاری کا نائلہ جعفری کے انتقال پر اظہارِ افسوس

پاکستان شوبز انڈسٹری کی سینئر اداکارہ بشریٰ انصاری نے اداکارہ نائلہ جعفری کے انتقال شدید افسوس کا اظہار کیا ہے۔

اُنہوں نے لکھا کہ ’نائلہ جعفری ایک مضبوط فائٹر تھیں، وہ اپنی بیماری کی جنگ میں بہادری سے لڑیں۔‘

سابقہ اداکارہ نے مزید لکھا کہ ’میری دُعا ہے کہ نائلہ جعفری کو جنت الفردوس میں اعلیٰ مقام عطا ہو، آمین۔‘

واضح رہے کہ گزشتہ روز پاکستان کی معروف اداکارہ نائلہ جعفری انتقال کرگئیں، اداکارہ طویل عرصے سے کینسر جیسی مہلک بیماری میں مبتلا تھیں۔

نائلہ جعفری کی موت دل دہلا دینے والا نقصان ہے: عدنان صدیقی

فلم و ٹی وی انڈسٹری کے سینئر اداکار عدنان صدیقی نے اداکارہ نائلہ جعفری کے انتقال پر شدید دُکھ کا اظہار کرتے ہوئے کہا ہے کہ اداکارہ کی موت دل دہلانے دینے والا نقصان ہے۔

اداکارہ 2016 سے علیل تھیں اور ابتدائی طور پر ان میں اوورین کینسر کی تشخیص ہوئی تھی اور بعد ازاں ان میں معدے کے کینسر کی بھی تشخیص ہوئی تھی۔