علی انصاری اور عدنان صدیقی اعظم خان کی حمایت میں بول پڑے

پاکستانی ماڈل و اداکار عدنان انصاری اور اداکار عدنان صدیقی اعظم خان کی حمایت میں بول پڑے ہیں۔

اعظم خان کا بھابھی مریم انصاری کیلئے پیغام

اعظم خان نے سوشل میڈیا سائٹ انسٹاگرام پر شادی کی تقریب کے دوران کی تصاویر شیئر کرتے ہوئے مریم انصاری کیلئے خوبصورت پیغام شیئر کیا۔

پی ٹی وی اسپورٹس کی جانب سے اعظم خان کے آؤٹ ہونے پر ایک میم شیئر کی گئی تھی جس پر صارفین میم کو تنقید کا نشانہ بنارہے ہیں۔

اعظم خان کی تصویر کے کیپشن میں لکھا گیا کہ ’کھاتا ہے مگر لگاتا نہیں۔‘

علی انصاری نے یہ تصویر شیئر کرتے ہوئے پی ٹی وی اسپورٹس کو مینشن کیا اور لکھا کیا آپ کی ذہنی حالت درست ہے؟ کسی کی توہین کرنے کا لیول اپنے عروج پر ہے۔

انہوں نے یہ بھی لکھا کہ آپ کو خود سے شرم آنی چاہیے۔

واضح رہے کہ علی انصاری کی بہن مریم انصاری اعظم خان کے بھائی اویس خان سے رشتۂ ازدواج میں منسلک ہیں۔

فٹنس بہتر کرنے کیلئے 32 کلو وزن کم کیا ہے: اعظم خان

پی ایس ایل میں کوئٹہ گلیڈی ایٹرز کی نمائندگی کرنے والے کرکٹر اعظم خان کا کہنا ہے کہ فٹنس بہتر کرنے کے لیے کافی کام کر رہا ہوں اور اسی کیلئے 32 کلو وزن کم کیا ہے۔

دوسری جانب عدنان صدیقی نے بھی ’باڈی شیمنگ‘ کیخلاف آواز اٹھاتے ہوئے اعظم خان کی حمایت کی ہے۔

انہوں نے لکھا کہ اس قسم کے کمنٹس ناقابلِ قبول ہیں۔