• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت: آسام میں 97 سالہ معمر خاتون بارہ روز تک کورونا سے نبرد آزما رہنے کے بعد صحتیاب

شمال مشرقی بھارتی ریاست آسام کے ضلع کاچر کے علاقے ادھاربونڈ کی ایک 97 سالہ معمر خاتون نے سلچار میڈیکل کالج اینڈ ہاسپٹل میں نہ صرف بارہ روز تک کورونا وائرس کا ڈٹ کر مقابلہ کیا بلکہ انھوں نے اس عالمی وباکو شکست بھی دی۔

اس معمر خاتون کا نام جیوتسنا رانی دیب بتایا جاتا ہے اور پیر کو جب یہ اسپتال سے ڈسچارج ہوئیں تو ڈاکٹروں نے انھیں اس اسپتال میں وائرس سے بچ جانے والی سب سے معمر مریض کے طور پر مبارکباد بھی پیش کی۔

واضح رہے کہ گزشتہ برس اسی ریاست کے علاقے تیز پور کی ایک سو سالہ خاتون مائی ہندیک جو کہ کورونا میں مبتلا تھیں انھوں نے وائرس کو شکست دی تھی۔

انھیں مہندرا موہن چوہدری اسپتال گوہاٹی سے گزشتہ برس ستمبر میں دس روز تک وائرس سے لڑنے کے بعد ڈسچارج کیا گیا تھا، اور وہ اب تک آسام میں بیماری سے بچ جانے والی سب معمر خاتون ہیں۔

بین الاقوامی خبریں سے مزید